XX. mendeko Euskararen Corpus estatistikoa
Testuingurua
Gogoratu nahi nuke
elkarren eskuz pilatu genuen
itsasoa,
elkarren indarrez amildu genuen
Gogoratu nahi nukeena
inoiz gertatu ez delako,
sakelean sartuko dut
zitarraren arrotasuna,
eskuen epeltasuna,
eta gaueko isiltasunaren oihartzuna
sakelean sar eta
aurrera jo,
itzultzea ezinezkoa den bidetik,
begiak ireki eta
aurrera jo,
teresita irastorza.